Heiða, Snæbjörn og Arnþór

2008-09-17T16:46:00.002+01:00

Sorrí en ég nenni nú ekki alltaf að vera að blogga sko. Hef margt annað við tíman að gera, eins og að læra og leika mér.
Fór í 60 ára afmæli pabba um helgina og það var nú meira stuðið.
Ég og strákarnir flugum til landssins á fimmtudegi og brunuðum beint uppá Geitafell um leið. Þar voru þegar mamma, pabbi, Kolbrún Lís og vinnumenn frá Póllandi og Litháen. Við unnum eins og hestar fram á kvöld. Svo seinna bættist Baldur í hópinn með hljóðkerfi úr bænum og það var unnið meira.
Síðan skelltum við okkur bara í pottin og að sofa áhyggjulaus vitandi að á morgun hæfist stressið.
En svo var eiginlega ekkert stress. Það gekk allt eins og smurt og fleiri bættust við til að hjálpa við undirbúning. Ýr, Bragi, Hrafnhildur, Pétur, Gunni, Sigga Rut og kokkarnir tveir Simbi og Stína mættu öll eftir miðdag og eftir það var bara svaka stuð og skemmtilegt. Endaði með því að ég fékk mér einum of marga bjóra sem lýsti sér í miklum þorsta daginn eftir.
En allaveg gekk undirbúningurinn eins og í sögu og ekki nærrumþví eins mikið stress og ég bjóst við.
Kvöldið nálgaðist svo og gestirnir byrjuðu að mæta uppúr 6. Þá var fordrykkur, léttvín, bjór eða viskístaup og allir að spjalla saman inní tjaldi eða gróðurhúsi eða bara inní húsi eða í turninum og útum allt bara. Svo biðum við og biðum eftir rútunni sem átti að koma frá bænum kl 6:30 en mætti á endanum ekki fyrr en 8. Þá hófst fjörið. Skotið var úr fallbyssu og borðhald hófst.
Svo ræðuhöld og fleira. Ég stóð uppá svið og söng "Ó, pabbi minn" fyrir hann pabba minn og var mikið klappað. Ég var samt svoooo stressuð að röddin titraði alveg og brást nokkrum sinnum. En hva ... þetta var allavega einlægt sungið og allir voru svo ánægðir með mig. Sumir voru meira að segja svo snortnir að þeir fóru að tárast og sumir grétu. Kannski bara af kjánahrolli og vorkunn á mér eða hvað ... hvað veit maður.
En nú er ég búin að standa uppá sviði og syngja án undirspils fyrir 200 manns og ég er bara ánægð með það.
Svo voru fleiri ræður m.a. frá Vigdísi systur og Jóu frænku og Kidda Ragnars og svo var sungið úr Geitafells söngbókinni við undirleik harmoniku. Og en streymdi fólk að.
Svo kom eftirréttur og en streymdi fólk að.
Eftir það var dansgólf myndað og Blúsbandið Köttur byrjaði að spila. Þeir eru alltaf rosa góðir og fólk á öllum aldri dansaði eins og brjálað væri.
Á endanum held ég að á Geitafelli hafi verið a.m.k. 250 manns að skemmta sér.
Svo kl á slaginu 1 fór rútan og bílstjórinn var meira að segja svo að flýta sér að það voru nokkrir sem misstu af rútunni .... en því var reddað um hæl.
Þeir sem eftir voru skemmtu sér svo fram á rauða nótt. Sumir fóru í pottin aðrir dilluðu sér við músík, sumir kváðu á (aðallega þeir úr sveitinni) og sumir voru bara að spjalla.
Daginn eftir tókum við öll því bara rólega og lágum í leti mest allan daginn. Ekki það að það hefði verið einhver þynnka í gangi því það var fjarri því. Ég allavega var aðallega bara þreytt eftir svefnleysi næturinnar og því hvíldi ég mig bara.
Á mánudeginum tókum við svo til hendinni við frágang og ég veit að þegar ég fór frá Geitafelli var alveg hellingur eftir að taka til.
En vá hvað þetta var allt rosalega gaman. Ég er viss um að þessi veisla verður lengi í minnum haft. Ég fór með miklum söknuði frá Geitafelli og hlakka mikið til að koma þangað aftur sem verður örugglega ekki fyrr en næsta sumar býst ég við búúúhúúhúú. En þá verð ég komin til að vera á Íslandi og það er gott að vita.
Lifið heil og sæl og gerið það sem ykkur langar til án þess að skaða aðra.

AFSAKIÐ (það var) HLÉ

2008-04-29T19:16:00.004+01:00

Hæ Hæ Hæ

komið öll sæl og blessuð en og aftur og nú er ég sko búin að taka langt frí frá bloggheimum.

En ég er mætt aftur fílefld og til í slaginn.... maður er nú alltaf að berjast við þessa breta, hví ekki að berjast við bloggið líka.

Núna er sem sagt þriðja og síðasta önn vetrarins byrjuð og ég er núna að vinna að mjög skemmtilegu hönnunar verkefni þar sem við eigum að hanna stóran almenningsgarð hér í borg. Hann er það stór að í verkefninu er ætlast til að við setjum inn á hann 3 fótboltavelli, 1 hokkívöll og 1 rugbyvöll og 8 tennisvelli og hafa svo afgangssvæði fyrir letingjana.

Nú er ég bara að vinna að því að kanna og greina (survey and analysis) svæðið og ég á að kynna það á föstudaginn ásamt einhverjum hönnunar tillögum/hugmyndum.

Svo förum við í skólaferðalag á sunnudaginn og verðum til föstudags. Mamma ætlar að koma og passa strákana og ásamt henni kemur Þóra Loftsdóttir, húnvetningur með meiru.

Svo eftir skólaferðina mína get ég eytt einni helgi með þeim stöllum og ætlum við hersinginn að skreppa til Michael frænda og Hildu á laugardeginum og kíkja á einn bóndabæ í nágrenni þeirra.

En í sambandi við skólaferðalagið mitt, þá erum við að fara bekkurinn ásamt öllum á fyrsta ári í BS. náminu alla leið niður til Oxford og stoppum eina nótt á leiðinni í York og skoðum okkur um þar. Svo komum við við einhverstaðar á leiðinni heim og ég er ekki alveg með þetta á hreinu allt en ég skal segja ykkur allt um það þegar ég kem til baka úr þessari óvissuferð minni. Ég er allavega farin að hlakka mikið til að fara og það verður pottþétt svaka stuð!!! :D

Í janúar flutti Hrafnhildur til mín en hún flutti aftur til baka rúmlega mánuði síðar. Þetta gekk ekki alveg eins og við höfðum planað og má þar um að kenna vinnuálagi og ýmsu fleiru kannski sem óþarfi er að tvínóna um .... en allavega þá komu Hrafnhildur, Auður og Ýr vinkonur til mín um páskana og við skemmtum okkur konunglega. Drukkum kokteila og fleiri kokteila og áttum yndislega langa helgi. Hrafnhildur varð svo eftir hjá mér í viku í viðbót og það var gott og gaman. Ég er alveg búin að sjá það að svona húsmæðrafrí þarf að eiga sér stað miklu oftar því hvað er svo glatt sem góðra vina fundur? ha? ha?

Í páskafríinu fór ég og Stephany bekkjarsystir og heimsótti aðra bekkjarsystur mína hana Söndru en hún býr í klukkutíma lestarferð frá Edinborg í bæ sem heitir Cubar. Hann er rétt hjá St. Andrews, þar sem golfið á upprunna sinn og við kíktum þangað og löbbuðum um. Mæli alveg með því að heimsækja þann bæ.

Strákunum gengur nú vel í skólanum og allt er komið í sitt horf eftir páskafríið. Þeir fara í afterschool eftir skóla og ég sæki þá þangað um kl 5 á daginn. Þá förum við heim og slöppum aðeins af og ég elda svo mat á meðan þeir horfa á barnatíma. Svo borðum við og svo vöskum ég og Arnþór upp á meðan Snæbjörn tekur til í stofunni. Svo er heimalærdómur og Arnþór er orðinn rosa duglegur að lesa ensku og Snæbjörn þarf ekki að læra mikið heima og oft fer bara eitt kvöld í viku í heimalærdóm hjá Snæbirni.

Strákunum báðum semur vel við skólafélaga sína en Arnþór er stundum að stríða strákunum í Snæbjörns bekk og þá stríða þeir honum stundum á móti. Eins og þegar einusinni spurðu strákarnir Snæbjörn hvernig maður segði pooface á íslensku og Snæbjörn sagði þeim að það væri kúkalabbi.... og þá fóru strákarnir að kalla Arnþór og marga fleiri kúkalabba. Arnþór var ekkert allt of ánægður með það en ég sagði honum bara að hlægja að þeim og segja "já ég er kúkalabbi" og þá hættu þeir öllu.

Svo eru þeir voða duglegir að koma með mömmu uppí skóla ef á þarf að halda í smá tíma um helgar. Þeir eru farnir að kynnast bekkjarfélögum mínum og finnst þeir bara nokkuð skemmtilegir. Allavega sagði Arnþór "Júhúúúu" þegar ég sagði að Daniella og Jessica ætluðu að koma í mat um daginn.

Það er búið að vera alveg geggjað verður hér síðustu daga. Mér skilst reyndar að vorið hér sé tveimur vikum seinna en það er venjulega..... á það ekki við á Íslandi líka?

En við allavega sleiktum sólina niðri í Medows síðasta sunnudag og fórum á leikvöllinn. Svo lentum við í úrhellis hitaskúr í gær á leiðinni heim úr afterschool og í dag var geggjuð sól og svo hitademba seinnipartinn.

Við strákarnir kíktum til Michael frænda um daginn og gistum eina nótt. Á sunnudeginum kíktum við í voða fínan garð sem er bara opinn einu sinni á ári og er það liður í fjáröflun kirkjunar þar í bæ. Við fórum líka niður í fjöru sem var mjög gaman og hittum líka Michael yngri og kærustuna hans, hana Kate.

Jæja ég held ég hafi ekkert fleira að segja í bili en læt hér fylgja nokkrar myndir af strákunum í vorfílíng.

Bæ í bili

Bombarded with projects!!!! B O B A

2008-01-19T16:02:00.000Z

já það er satt .... það kom sprengiárás í upphafi annar og ekkert verður slakað á fyrr en 14. mars sem er lokadagur annarinnar. Detail verkefni í structures sem er framhald af hönnunarverkefninu sem við gerðum fyrir skólan á síðustu önn. Nú á sem sagt að fara að gera alvöru úr því verkefni með lagnakerfum, gróðurplani og ÖLLU. Geology: fyrirlestur og handout um ákveðið topic og svo massa ritgerð um samspil jarðfræði og landslagsarkitektúrs. Svaka housing verkefni á aðeins 6 vikum; 2 vikur í allt analys og 4 í hönnun og frágang. Svo er ég líka að taka fyrirlestrakúrs í planting design, landmælingakúrs og hæðalínukúrs og til að toppa þetta þá er ég líka að berjast við aukakílóin, jólavísareikninginn og þá staðreynd að fólk hér er ekki vant því að konur berjist fyrir því að fá sínu framgengt, eins og til dæmis leiðsögn frá kennara eða eitthvað álíka. Svo það er nóg að gera.

Ég þakka Guði fyrir að Hrafnhildi skildi hafa dottið í hug að flytja hingað til mín og á örugglega eftir að þakka honum nokkrum sinnum á þessari önn.

Snæbjörn kom heim áðan frá Danmörku. Það var rosa gott að fá hann heim og gaman að sjá hann og ég held að hann hafi líka verið ánægður að koma.

Nú er búið að færa fótboltan hjá Arnþóri úr the Meadows inn í tennissal í einni byggingu Edinborgarháskóla, og svo er búið að færa tímana fram þannig að í staðin fyrir að þurfa að vakna kl 9 á laugardagsmorgnum (sem mér fannst ansi snemmt)þurfum við að vakna kl 8 og taka strætó. En ætli maður láti sig ekki hafa það í einhverjar vikur þar til þetta verður fært aftur utanhúss með vorinu. Ekki það að Arnþór er alltaf að kvarta yfir að þurfa fara í fótbolta og finnst það hundleiðinlegt. Ég hugsa að ég láti hann nú samt halda áfram og klára the season.

Já og fyrir ykkur sem ekki vitið þá er ég sem sagt komin með síma sem er tengdur íslensku símkerfi. Það virkar þannig að ef þið hringið í það númer eruð þið rukkuð alveg eins og þið séuð að hringja í heimasíma á Íslandi og fyrir ykkur sem eruð hjá Hive þá hringið þið frítt!! og svo get ég líka hringt frítt í alla heimasíma á Íslandi og ég borga bara mánaðagjald eins og venjulegt er á Íslandi. Símanúmerið megið þið finna hér á síðunni hjá öllum hinum númerunum mínum.

Já svo er ég líka byrjuð í Belly dansing á fimmtudagskvöldum og í Alexander technique í hádeginu á fimmtudögum. Báðir rosa skemmtilegir tímar sem fara fram í svona dansstúdíói niðrá Grassmarked sem heitir DanceBase. Alveg þvílíkt sniðugt fyrirbæri.

Ekki búast við bloggi frá mér í bráð og ef þið hafið lesið þetta blogg þá vitið þið af hverju, en ef það er eitthvað sérstakt sem þið viljið vita eða bara viljið spjalla þá endilega hringið bara :)
Kv. H

2007-12-13T19:15:00.000Z

Jæja loksins loksins er ég búin í skólanum þessa önn og get farið að einbeyta mér að því að blogga og blogga alla daga. Ég segi það nú ekki en ég skal reyna að vera duglegri :) .

Og hér kemur gossan.....

Hrafnhildur er hér hjá okkur, öllum til mikillar ánægju. Við ætlum að njóta aðventunnar en það er yndislegur tími í þessari borg .... mæli með því við alla. Nú er það bara christmas shopping and coco drinking og saltkringluát á skúttilega þýska jólamarkaðinum. Kannski maður skelli sér á skauta líka ... allt þetta og margt fleira á Edinborgaraðventunni!!

Svo er allt brjálað að gera hjá strákunum í aðventunni. Jólapartí hjá afterschoolinu hjá Snæbirni á morgun og hjá Arnþóri á miðvikudag. Jólapartý hjá 2. bekk í skólanum 18. des og almenn jólaskemmtun hjá skólanum líka 18. des. Arnþór er að fara í leikhús á morgun með bekknum og í gærkvöld voru jólatónleikar fyrir fjölskyldur barna í 2. bekk og hér fylgir lítið myndband frá því.

Arnþór er vinstra megin við miðjuna í næst aftustu röð

Veðurfréttir: Veðrið hér er búið að vera rosa gott og alltaf nokkur hiti. Það komu nokkrir rigningadagar um daginn og einn daginn var slidda en það er allt farið núna.

Í baksýn sjáiði parísarhjólið og hringekjuna sem er nú staðsett í miðborginni. Arnþór vildið ekki láta taka mynd af sér og er því í fílu hér.

Strákarnir að leik í leikvellinum í Meadows

Eitt húsasundið hér í nágrenninu. Við löbbum alltaf fram hjá því þegar við förum í matvörubúðina og í þetta skiptið ákvað ég að reka strákana inní það og taka myndir af þeim.

Svo er Arnþór búinn að vera rosa duglegur að mæta alltaf á fótboltaæfingar og hér er myndband frá einni slíkri frá síðustu helgi. Þar sést Arnþór sparka í boltan og falla með miklum þokka, rétt eins og ítalskir leikmenn eru svo þekktir fyrir.

Á meðan Arnþór er í fótbolta bíðum ég og Snæbjörn þolinmóð í klukkutíma, sama í hvaða veðri. Sem betur fer er alltaf gott veður í Edinborg.

Í lok annarinnar kom mamma til okkar og hjálpaði til á heimilinu. Það var vægast sagt mikil hjálp í því og ég bara veit ekki hvernig ég hefði farið að því að klára verkefnin ef hún hefði ekki komið. Hér sjást mamma og strákarnir í góðum gír.

Annars gekk bara rosa vel að skila öllum verkefnum í lok annar og ég er bara búin að fá góð og gagnleg komment frá öllum. Vonandi segja einkunnirnar það sama en ég veit ekkert hvenær þær koma.

Aðalverkefnið mitt í Design var að hanna hluta af skólalóð fyrir mjög fötluð börn. Skólinn er til í alvöru og vegna fjármagnsskorts, leitaði hann til Edinburgh College of Art til að fá einhvern til að hanna lóðina fyrir sig. Lóðinni var skipt í 8 hluta og hver hluti fékk ákveðið þema eins og t.d. sensory garden, playful garden, messi play o.fl. Ég ákvað að taka fyrir The kitchen garden og hér er teikning og módel af lokahönnun. Svo eftir áramót förum við í áfanga þar sem við útfærum hugmyndirnar og gerum þær raunhæfar til framkvæmda.

Svo skiluðum við inn þessu verkefni og módeli niðrí skólan sjálfan. Þar gátu foreldrar, starfsfólk og fólkið með peninginn fengið að líta á verkin og skrifað niður comment. Svo í lok dagsins vorum hönnuðurnir til staðar til að svara spurningum sem komu upp.

Þann sama dag, s.s. eftir skil og fyrir spurningar, fórum við í field trip og fórum m.a. til lítils bæjar hér í nágrenninu sem heitir Linlithgow. Jack familían fór einmitt þangað líka síðasta sumar og skoðaði m.a. Linlithgow palace. Hér eru nokkrar myndir þaðan.

Þessi undirgöng lokkuðu mig út af venjulegu leiðinni upp að höllinni og inn í yndislegan en fábrotinn hallargarð.

Hér sést brekka sem sæti hafa verið sniðin í en lítill pallur er fyrir neðan sem er eins og svið í leikhúsi.

Hér sést svo stígur sem leiðir upp að höllinni bak við hana.

Svo kíktu sum okkar inn í kirkjuna við hlið hallarinnar og þar var þessi rosa fallegi gluggi.

Eftir ferðina voru margir orðnir lúnir enda illa sofnir eftir erfiði næturinnar í verkefnafrágangi.

Eigiði svo góða aðventu og munið dagsetningu póstsins fyrir bréf til Evrópu en það er

Á MORGUN

14. des.

bæ

Haustið er komið

2007-11-21T18:04:00.000Z

Jæja loksins er komið alvöru haust hér. Orðið nokkuð kalt og í dag rigndi hundum og köttum eins og þeir segja í Kanada.
Allt gengur vel í skólanum hjá mér og strákunum líka. Ég þarf að kaupa handa okkur stígvél því það eru ár sem flæða nú um göturnar og sundlaugar útum allt.
Ég er farin að hlakka ótrúlega mikið til að koma heim um jólin en þangað til verður nóg að gera í skólanum. Mamma ætlar að koma og létta á heimilinu í lok annarinnar hjá mér sem verður mikil þörf á því það verður örugglega allt CRAAAAZY ... og þegar önnin er búin kemur Hrafnhildur til okkar og við ætlum að eiga góðar stundir í aðventunni, versla jólagjafir, fara á kaffihús og dunda okkur í rólegheitum. ohhhh ég hlakka svo til.
Ég hef eiginlega bara rosa margt til að hlakka til.

Stressins í skólalok - 2 stór hönnunarverkefni og stórt plöntupróf
Mamma kemur
Hrafnhildur kemur

og svo....

ég fer til Íslands og jólin koma!!!!

Allt saman frábært

Gleðilegt haust og ég óska ykkur öllum tilhlökkunar því það er skemmtileg tilfinning.

Halloween og tennurnar

2007-11-07T21:29:00.000Z

Hér eru strákarnir í grímubúningunum sínum á Halloween, þann 31. okt. Arnþór var egypsk múmía og Snæbjörn var maðurinn með ljáinn. Ég vafði Arnþór allan í klósettpappír og þetta var frekar vindasamur morgun þannig að pappírinn var nærri allur fokinn af þegar strákarnir komu í skólan. En það var allt í lagi því Arnþór var í Beinagrindanáttfötunum sínum innan undir klósettpappírinn og var því beinagrindamúmía.
Snæbjörn var svo að missa sína níundu tönn og Arnþór er með sína fyrstu lausu tönn... þannig að það er allt að gerast.
Það er búið að vera allt á fullu hjá mér í skólanum og verkefnin hrannast upp..... en svo er allt búið eftir mánuð .... úúúú hlakka til að koma heim á klakan. Pant fá hvít jól.

Já og takk fyrir allar afmæliskveðjurnar elsku vinir mínir nær og fjær. Kossar og knús til ykkar allra.

Þegar kettirnir eru í burtu .....

2007-10-23T21:49:00.000+01:00

hæ hæ
Nú eru strákarnir báðir komnir frá pöbbum sínum og allt að komast í orden aftur. En á meðan kettirnir voru í burtu fór litla músin Heiða á stjá og skemmti sér mjög vel .......3 kvöld í röð. Ég hitti Siggu og við fórum í heimsókn til Örvars og Þóru og fengum okkur nokkur vínglös og spjölluðum heilmikið. Kvöldið eftir fór ég á pöbbarölt (pubcrawl) með Siggu og Skandinavíufélaginu í Edinborgarháskóla. Þar hitti ég allra þjóða kvikindi og m.a. grikkja sem talaði reiprennandi sænsku sem var mjög fyndið.
Þriðja kvöldið bauð ég svo bekknum heim og það var rosa stuð hjá okkur. Eftir partýið fórum við í grískt partý hjá Gríska félaginu í Edinborgarháskóla. Þar hlustuðum við á gríska tónlist og dönsuðum gríska dansa með grikkjunum í bekknum mínum, en þeir eru 3 núna og 2 bætast við eftir áramót en ég bauð líka þeim sem eru ekki byrjaðir. Hér fylgja nokkrar myndir af bekkjarfélögunum, núverandi og væntanlegum.

George "heitastur"(Grikkland), Sofie(Frakkland, en ekki með mér í bekk), Giovani(Ítalía) og Antonios(Grikkland)
Ruixue og Yi frá Kína
Sandra(Spánn), Vasiliki (Grikkland), Ég, Stephanie(USA), Maria(Grikkland)

Jennifer(Kanada)

Daniella(Portugal)
Nokkra vantaði í partýið en það voru Evan og Jennifer(frá Skotlandi), Will"næstheitastur"(England), Mary(Grikkland) og Neil(Írland).

Svo skilaði ég verkefni í dag og kynnti það og ég held að það hafi bara gengið ágætlega.

Það var eiginlega svoldið skrítið að í gær var ég búin með verkefnið á miðnætti, en ég er svo vön að vera að vinna frameftir í verkefni nóttina fyrir skil, þannig að ég vissi ekkert hvað ég átti að gera. Svo ég fór að vafra á netinu og kom niður á heimasíðu sem ég held að Will bekkjarfélaginn minn heldur út. Hann heitir allavega Will Cookson og röddin er alveg eins og í honum, þótt ég hafi ekki séð neina mynd af honum á síðunni hans á myspace og á eftir að spurja hann. Tjekkið á þessu alger snilld.

Bæ í bili

2007-10-13T16:03:00.000+01:00

Já já ég veit .... lítið hefur gerst í bloggheimum hjá mér en því mun meira í alvöru heiminum mínum.
Systurnar komu og fóru og við áttum góðar stundir saman. Takk fyrir það.

Ég er byrjuð á fullu í skólanum og er nú þegar búin að skila inn tveimur verkefnum. Þau voru bæði nokkuð létt.
Í öðru þeirra áttum við að finna stað úr fortíðinni sem við könnumst vel við og búa til collage sem lýsti tilfinningum okkar til þessa staðar. Fyrir ykkur sem ekki vitið er collage svona tvívíð mynd sem er sett saman úr allskonar efnum með ýmsar áferðir til að ná fram tilfinningu fyrir stað eða hverju sem um ræðir í verkefni. Það er ekki bein mynd af því sem um ræðir þótt það megi móta fyrir einhverskonar sjónarhorni eða skýringu á hlutnum. Svo áttum við að kynna verkið fyrir bekknum. Ég held að það hafi verið erfiðasti hlutinn af verkefninu, því þótt ég viti alveg hvað ég á að segja og sé búin að skrifa niður á miða hvað og allt það, þá bara einhvernveginn dettur það út þegar ég ætla að fara að segja það. En kynningin gekk samt alveg ágætlega og ég held að ég hafi náð á endanum að sannfæra fólk.
Hér er mynd af mínu collage en ég valdi staðinn Sandvík á Geitafelli sem minn stað og reyndi að ná fram því að í fjarlægð sýnist hann hafa mjúkar línum og áferð en þegar þú kemur nær er í raun ótrúleg fjölbreytni í fjörunni og í grasinu líka og klettunum. Svo reyndi ég að sýna hvernig staðurinn og sértaklega klettarnir faðma mann að sér og veita manni ákv. öryggi. Og ekki má gleyma ferska loftinu og sjávarlyktinni en hana tjáði ég með því að setja salt í klettana og gefa þeim þá líka en frekari svona crispy áferð.
Hitt verkefnið fólst í að skoða hvernig hinir og þessir arkitektar nota grafík til að koma sínu til skila og ég og Jessica(ein frá Kanada) vorum saman í hóp og tókum fyrir Jan Gehl og bókina hans Public spaces public life.
Því miður náðum við ekki að kynna það verkefni í gær, því Jessica fór til Þýskalands og ég fattaði á fimmtudagskvöldi að Arnþór átti að fara til Íslands á föstudagsmorgun, en áður var ég búin að festa mig við það að hann ætti að fara á sunnudegi. Ég er sem sagt officially orðin prófessor :D

Hrafnhildur var hjá mér síðustu helgi og fram á fimmtudag. Við gerðum ýmislegt skemmtileg. M. a. borðuðum æðislegan mat á Ann Puri sem er indverskur og drukkum mikið vodka í sprite, hlógum og versluðum og spjölluðum um ýmislegt. Takk fyrir komuna elsku vinkona og vonandi verða heimsóknir þínar miklu fleiri.

Nú þegar Arnþór er ekki með okkur Snæbirni þá ætlum við að nota tækifærið og fara í Edinburgh dungeons sem Snabba hefur lengi langað að fara en ég hef ekki viljað fara með Arnþór. Ætli við höfum ekki svo bara kósí kvöld og slöppum af.
Svo fer Snæbjörn til pabba sins á miðvikudag, alveg eldsnemma, þannig að ég verð ein í kotinu fram á sunnudag en þá kemur Arnþór aftur og Snæbjörn svo á mánudag.
Ég er að spá í að fara á kvikmyndakvöld hjá Norræna félaginu í Edinborgarháskóla og bjóða svo bekkjarfélögum mínum heim á föstudagskvöldinu. Það verður örugglega nóg að gera í einlífinu enda verkefnin líka farin að hrannast upp, bæði heima fyrir og í skólanum.

Ég fór á foreldrafund um daginn og allir kennararnir töluðu um að strákunum gengi bara mjög vel. Arnþóri gengur alveg einstaklega vel að læra málið og gengur líka vel í stærðfræði, hann er farin að skrifa skrifstafi og alla tölustafina og svo er hann farinn að geta lesið stuttar settningar. Heimalærdómurinn hans fellst í því að lesa og gerum við það á hverju kvöldi nema fös og lau.
Snæbirni gengur líka vel en kennaranum og mér finnst að það megi aðeins fara að bæta á hann verkefnum. Hann er duglegur að taka þátt í umræðum í bekknum og er búin að eignast nokkra félaga.

Ég læt fylgja nokkrar myndir af strákunum þegar við kíktum í safnið rétt áður en skólinn minn byrjaði. Þetta var rosa skemmtilegur dagur og þeir skemmtu sér vel að skoða Egypska fornmuni, klónuðu kindina Dollý, alskonar skordýr, spendýr og fugla, sérstaklega var gaman að sjá eftirlíkingu af Doo doo fugli.

Arnþór var bara nokkuð hræddur við klukkuna sem fer af stað með mögnuðu orgelhljóði og það klingir og hringlar í henni og alskonar fígúrur sem maður mundi halda að ættu helst heima í undirheimum sverma um í henni. Þessi klukka var gerð af nokkrum listamönnum, að ég held um aldamótin síðustu.
Ef þið viljið vita hvernig hún hljómar þá er smá klippa hér

Haustið er komið og hláturinn með

2007-09-28T11:13:00.000+01:00

Jæja
Í dag koma systur hans pabba, Ella, Anna, Jóa og Linda, í heimsókn og ætla að vera fram á sunnudag. Ég held að þetta sé aðallega verslunarferð hjá þeim en við ætlum líka að fara út að borða og hafa það næs. Hlakka mikið til.

Ég hitti bekkjarfélaga mína í fyrsta sinn í gær. Það var gaman en soldið stressandi. Við þurftum öll að kynna okkur og segja af hverju við værum í Edinburgh. Við erum 11 stelpur og 6 strákar ... allra þjóða kvikindi .... frá Kína, Grikklandi, USA, Kanada, Spáni, Ítalíu, Írlandi, ég frá Íslandi og bara 3 frá Skotlandi. Mátulega stór bekkur og ég held að það verði gaman að kynnast þessu fólki og ég hlakka til.

Ég bara hlakka til og hlakka til. Það er bara eins og það hafi aldrei verið skemmtilegra hjá mér. Sem minnir mig á það að ég verð að deila með ykkur reynslu minni sem ég átti um daginn ... eða réttara sagt fyrir nokkrum nóttum síðan. Mig var að dreyma eitthvað og einhver í draumnum sagði eitthvað fyndið og ég fór að skellihlægja og ég vaknaði við hláturinn í sjálfri mér og gat ekki hætt að hlægja og lá í hláturskasti milli svefns og vöku í örugglega eina mínútu eða meir. Ég var að reyna að hætta að hlægja svo ég mundi ekki vekja Arnþór en ég gat það ekki strax. Svo hætti ég að hlægja og sofnaði aftur.

Ég veit ekki hvort þetta hefur verið viðbrögð hjá líkamanum og/eða huganum að bregðast við hláturleysi hjá mér. Hver veit. Ég ætti að fara að horfa á einhverjar gamanmyndir.... eða Simpson seríuna sem Baldur og Kolbrún gáfu strákunum í kveðjugjöf um daginn. Eða kannski fannst mér brandarinn bara svo fyndinn að ég réð bara ekkert við mig. Endilega komið með ykkar tilgátur ... og það er óþarfi að segja að ég sé klikk því ég veit ég er það :)

Það er búið að vera nokkuð kalt hér undanfarna daga og í morgun var hellirigning. Hlynurinn sem ég horfi á út um hliðargluggan á skrifstofunni minni verður gulari með hverjum deginum .... en meeen hvað litirnir eru fallegir.

Síja

Rykugt heimili

2007-09-21T23:46:00.000+01:00

Sæl og blessuð öll sömul

Það var voða gaman hjá okkur í dag.

Eftir skóla fórum við í ævintýraferð í Curry's sem er raftækjaverslun eins og Elco eða eitthvað álíka. Við tókum strætó þvert yfir bæinn og þurftum svo að labba nokkurn spöl í gegnum voða krúttlegt hverfi hér í norðvestur hlutanum. Þar voru svona lítil hús með sætum litlum görðum og útstandandi Vicktoríutímabilsgluggum eins og svo algengt er hér. Við vorum ekki alveg viss hvernig við ættum að komast útúr hverfinu svo við spurðum lítinn, gamlan mann sem var að klippa litla runnan sinn í litla garðinum sínum, hvert við ættum að fara og hann benti okkur á að fara efst upp á litlu hæðina og niður litlu botnlangagötuna og þaðan niður mjóar, litlar tröppur, í kringum litla bílskúra og út á stóru aðalgötuna.
Á endanum náðum við í búðina sem við ætluðum í og ég var ákveðin í því hvað ég ætlaði að kaupa, því ég var búin að skoða netsíðu búðarinnar í morgun.
Ég ætlaði að kaupa BOSCH ryksugu, því sú sem fylgir íbúðinni er ekki í lagi og hefur ekki verið það síðan ég flutti inn, og Hewlit Packart 3 in 1 prentara(þessa sem eru með prentara, skanna og ljósritunarvél allt í einu tæki), svo ég geti fullkomnað skrifstofuna mína sem er komin upp hér í 10/9 Sienna Gardens.

Hvorugt var til "in stock".

Svo ég stóð þarna í miðri búð og glápti á a.m.k. 50 ryksugur og alveg að fá valkvíðakast dauðans þegar rauðhærður, freknóttur og ég sver það hann var með kryppu hann var svo hokinn, lítill, ungur maður kom mér til hjálpar og sagði mér hver munurinn væri á nokkrum ryksugunum sem endaði með því að ég valdi PHILIPS vél sem er alveg SÚPER!!! Ekki með neinum ryksugupoka og kraftmikil og flott.

Svo kom að því að velja prentaratryllitækið og ungi maðurinn hjálpaði mér líka með það.

Svo tókum við TAXA heim og settum allt saman. Strákunum fannst mest spennandi að leika sér með kassana utan af þessu öllu, svo ég fór að leika mér með nýju ryksuguna mína.

Ég ryksugaði ganginn og hálfa stofuna og þá þurfti ég að henda kuskinu úr sugunni. Mér hefði aldrei á ævi minni dottið í hug að það gæti verið svona mikið ryk á jafn litlu svæði!!!! Þetta var hreinn viðbjóður. Það var eins og það hefði ekki verið ryksugað hér í áraraðir. Það er ekki nema von að maður er alltaf stíflaður í nefinu. Ég þarf núna að ryksuga á hverjum degi í nokkra daga bara til að ná niður heilbrigðisvottuðu rykhlutfalli í teppinu hér og það er það sem ég mun gera.

Svo sóttum við okkur pizzu til múslimana sem reka ítalska staðin hér rétt hjá. Snæbjörn náði svo að skanna inn nokkur Yu-Gi-Oh! spil áður en hann ýtti á einhvern takka og allf fór í f*** og ég eyddi restinni af kvöldinu í að laga það. Ekki svo skemmtilegur endir á annars alveg mjög góðum degi.

En ég náði að laga þetta allt svo nú er allt í lagi og dagurinn á morgun verður örugglega skemmtilegur og kvöldið líka. Fótbolti um morguninn og svo ætlum við að kíkja, bara fyrir forviti sakir, í einkaskóla fyrir börn, sem er við hliðina á skólanum mínum. Hann heitir George Herriot's school og önnin kostar um 900 þús. ISK á hvert barn. Ég gæti trúað að J.K. Rowling hafi notað hann sem nokkurskonar fyrirmyndarskóla að Hogwarts.

Þetta er mynd af honum að næturlagi.....

.... og eins og sjá má er þetta svaka kastali og hann er líka með svaka garði í kringum (eitthvað sem almenningsskólar hafa ekki hér á bæ).

Ætli við kíkjum svo ekki í sjoppu og kaupum smá nammi fyrir kvöldið en það er aldrei að vita hvort við höfum bara ávaxtakvöld í staðinn. Það var svo gaman hjá okkur í einu kvöldkaffinu um daginn. Þá vorum við að smakka nýja og framandi ávexti. Við fengum okkur passoa, ferskar fíkjur og kaktusávöxt. Þeim fannst það svo gaman að prófa eitthvað nýtt að þeir vilja ólmir endurtaka svona tilraunakvöld og kannski höfum við svoleiðis á morgun.

Hver veit.

Endilega kíkið á fleiri myndir á linknum hér til hliðar þar sem stendur Margar myndir hér

Helgarblogg

2007-09-16T17:49:00.001+01:00

Heil og sæl
Þetta er búin að vera fín helgi. Á laugardaginn fórum við í fótboltan að venju og Arnþór var svo duglegur að hann var kríndur Player of the week!!!!
Hér er mynd af honum með verðlaunagripinn sem hann verður svo að skila að viku liðinni.

Við fórum í kaffi til Þóru og Örvars og Sigurrósar seinna um daginn og fengum flottan drekkutíma og Eþíópískt kaffi sem var mjög gott. Takk fyrir okkur.
Svo var vídjókvöld hjá okkur um kvöldið ... snakk og nammi og alles.... ég leið nú aldeilis fyrir það í morgun, með bjúg útaf of miklu MSG áti og sykri.

Strákarnir eru ótrúlega góðir saman ... allaf að spila Yu-Gy-Oh eða dunda sér eitthvað saman. Þó getur soðið uppúr stundum og þá förum við oft út að labba.
Á þessari mynd voru þeir voða góðir en seinni myndin er uppstilling .... hehe

Hér vorum við úti að labba í rigningu í dag. Það sést að það er aðeins farið að hausta hér.
Svo er frí í skólanum hjá strákunum á morgun. Við erum að spá í að fara á keramikvinnustofu hér í nágrenninu og mála kannski einn bolla eða svo.

Úfff ég get ekki beðið eftir að byrja sjálf í skólanum ... fara að gera verkefni og hlusta á fyrirlestra.
Eins og þið sjáið er ég búin að setja link inná skólan minn hér til hliðar ef þið viljið kíkja.
Bæ í bili.

Hamingja hamingja

2007-09-10T09:28:00.000+01:00

Baldur og Kolbrún komu í heimsókn til okkar á föstudaginn og ætla að fara á morgun.
Þetta var alger surprise heimsókn fyrir strákana og ég var búin að rembast við að halda í mér í nokkra daga. En það var rosa gaman hjá strákunum þegar þeir svo hittu parið.

Eins og sést á næstu myndum er búin að vera mikil hamingja hér á bæ þá daga sem þau eru búin að vera hér.
Bara hamingja í þessu myndbandi

Baldur og Arnþór hjá sekkjapípuleikurum á High Street (Laugavegur Edinborgarans).

Baldur og Snæbjörn á opinberum hengingarstað á Grassmarket.

Uppí kastala

Við settumst á Rocco veitingastaðinn á High Street og fengum okkur pizzu.

Svo hlakka ég bara til að fá fleiri heimsóknir á næstunni og veit ég á von á nokkrum.

Bæ í bili

Rifrildi í búðinni

2007-09-04T12:15:00.000+01:00

Ég fór í ávaxta-og grænmetisbúð áðan, svona búð sem er ekki meira en 20 fermetra stór og selur bara ávexti og grænmeti, allar hugsanlegar tegundir, og jurtir líka.

Þessi tiltekna búð er rekin af manni af erlendu bergi brotnu. Líklega er hann indverji eða pakistani en ég er ekki viss. Ég er heldur ekki viss um trúarlega afstöðu hans.
Þar inni í búðinni voru aðrir viðskiptavinir en ég, hjón með börnin sín tvö í kerru. Þau voru greinilega múslimar því konan var með sjal yfir hárinu og soleiðis (þið vitið)en ég veit ekki hvers þjóðar þau voru en þau töluðu fína ensku og hafa greinilega búið hér lengi.
Viðskiptavinurinn spyr kaupmanninn:"hvað heitir þessi melóna" og kaupmaðurinn segir:"hvað, kanntu ekki að lesa maður, þetta er cantilópa". Viðskiptavinurinn er rólegur og segir:"nei ég held að þetta sé öðruvísi melóna, en ég er ekki viss." Kaupmaðurinn segir:"Nei þetta er cantilópa, sérðu það ekki". Og eftir að hafa verið orðlaus yfir orðum kaupmannsins, áttar Viðskiptavinurinn sig á því að það er verið að svífvirða hann og tekur til sinna mála. Hann er áfram rólegur og spyr kaupmanninn af hverju hann sé svona dónalegur og kaupmaðurinn segist ekki vera það. Kaupmaðurinn byrjar að æsa sig og upphefst mikið rifrildi. Kona viðskiptavinarins blandar sér inn í málið og á endanum neitar kaupmaðurinn að afgreiða hjónin og snýr sér að mér og segir næsti. Ég stari á hann og aftur á hjónin og svo aftur á kaupmanninn og segi:"Nei takk ég versla ekki hér" legg frá mér körfuna og geng út. Kaupmaðurinn segir:"Allt í lagi" og rifrildið við hjónin heldur áfram.

Málið er að ég skil ekki af hverju kaupmaðurinn hagaði sér svona. Ætli það hafi verið kynþáttafordómar eða trúarlegir fordómar eða ætli hafi legið bara illa á honum.
Ég var svo hneyksluð og hef bara aldrei upplifað annað eins.
Saklaust fólk að versla í búð og það er nánast því kallað hálfvitar af kaupmanninum.
Ég fór í aðra búð að kaupa mína ávexti og grænmeti og á meðan var ég skjálfandi reið yfir að hafa ekki sagt eitthvað við kaupmanninn. Kannski bara "jú, þú ert dónalegur, hvað ertu að pæla að koma svona fram við viðskiptavini þína" eða eitthvað svoleiðis. En kannski hefði það ekki skipt neinu. Maður breytir ekki manni með einni setningu.
Ég ætla bara í framtíðinni ekki að versla við hann og það má vera hans kenning af minni hálfu.

En annars er allt ágætt að frétta. Arnþór er duglegur að fara í skólan og ég vona að það sé allt að koma þar. Annars hefur verið voða erfitt að vera hörð á því að hann fari í skólan á hverjum degi, þrátt fyrir að hann mótmæli á hverjum morgni.
Snæbjörn er búinn að kynnast stelpu sem hefur sömu áhugamál og hann, Yuh-Gi-Oh og Simpson's. Strákarnir í bekknum hrekkja hann soldið og spurja hvort þau ætli ekki að fara að gifta sig, en ekkert alvarlegt samt.

Ég er búin að panta leikhúsmiða á The Snowman sem verður sýnt í desember. Algjör jólaklassík sem hefur slegið í gegn í leikhúsi. Ég hlakka mikið til.

Ef einhvern langar að koma með get ég pantað miða fyrir ykkur:)

Hér eru líka nokkrar myndir frá fyrstu dögum strákanna hér í Edinburgh

Strákarnir með kastalann í baksýn. Þessi mynd er tekin rétt hjá skólanum mínum fyrir framan mjög langan tröppugang sem liggur niður að Grassmarket.

Hér er einn hópur af götulistamönnum sem skemmtu okkur á festivalinu. Mjög magnað að horfa á þá.

Þetta er skólinn sem strákarnir eru í. Snæbjörn er í stofu á efstu hæðinni. Neðst á myndinni sjáiði í toppinn á grindverki sem er rúmlega 2.metra hátt og lokar af skólalóðina.

Bæ í bili.

Bloggið komið af stað

2007-09-01T19:00:00.000+01:00

Jæja nú er bloggið komið af stað.

Hér munu birtast óreglulegar dagbókarfærslur af lífi okkar í Edinburgh og myndir munu fylgja af og til svo og myndbönd.

Í dag vaknaði Snæbjörn kl 6:30 í morgun því við erum loks komin með sjónvarpsstöðvar, og einhver teiknimynd sem Snæbirni langaði að horfa á var svona snemma. Hann vakti bróður sinn og þeir fóru að horfa á meðan ég snéri mér á hitt eyrað en svefninn varð ekki langur......

Kl 9 fórum við niður í Meadow park á fótboltaæfingu.

Eftir margítrekaðar tilraunir til að fá Snæbjörn til að vera með gafst ég upp og Arnþór var sá eini sem fór í fótboltagallann og off we went.

Hér fylgja nokkrar myndir frá morgninum.

Arnþór spenntur yfir fótboltanum

Snæbjörn ekki svo spenntur

Arnþór er vígalegur á vellinum. Á þessu myndbandi er hann í rauðri treyju og gráum stuttbuxum. Íslenski bekkjarfélagi hans, Kjartan, er líka þarna. Hann er í hvítum bol og dökkbláum síðbuxum.

Þessar fótboltaæfingar eru mjög sniðugar. Það er hist niður í garði kl 9:15. Sumir foreldrar eru í sjálfboðastarfi við að þjálfa krakkana og koma mörkunum upp og soleiðis. Þetta kostar 25 pund fyrir allt árið og sá peningur er notaður í að kaupa mörk, bolta, keilur o.þ.h. Í Arnþórs aldurshóp er æfingin þannig byggð upp: til að byrja með eru leikir með boltan. Sá hluti tekur mestan hluta af æfingunni. Svo eru smá keppnir, eins og maður á mann og soleiðis. Í lokin er svo örstutt keppni.
Þegar kom að keppninni í dag þá dró Arnþór sig í hlé. Hann er ekki vanur að þurfa að keppa. Það kemur örugglega með tímanum.

Svo fékk ég símtal í dag frá konunni sem sér um Drama klúbbinn í skólanum og Snæbjörn er kominn inn. Þá er bara að krossleggja fingurna svo hann komist í Gítarkennslu og Flamenco líka.

Arnþór sótti um skák, sund og leikfimi.

Málið er það að það er bara leikfimi einu sinni í viku í skólanámskránni og allt hitt bara bókalærdómur. Þannig að ég verð að skrá þá í allskonar klúbba og activities eftir skóla og það er ekkert öruggt að þeir komist í hópinn. Það fer eftir því hvort það sé nóg pláss og hvort sótt var um klúbbinn í 1., 2., 3. eða 4. vali. Og núna er ég bara að tala um klúbbana sem eru tengdir við skólan. Svo eru fullt af klúbbum og íþróttum sem er hægt að stunda á vegum samfélagsins alls. Ég meira að segja fann handboltaklúbb í Edinborg, sem er kraftaverki næst þar sem allt snýst um fótbolta hér.

En það er margt í boði og þeir eiga örugglega eftir að hafa nóg að gera.

Meira síðar.....

prufukeyrsla

2007-08-29T12:15:00.000+01:00

nú er ég að prufukeyra þetta nýja blogg og ..... þetta er brún bobbla eða bobbla í brúnu

og þetta er myndband frá róm

og það er spurning hvort maður skelli ekki einhverjum link hér inn

t.d. link á bloggsíðu Helgu þuríðar http://helgnagmus.spaces.live.com/